تدري وش اللي يجرح

تدري وش اللي يجرح القلب جرحين
ويمد حبل الحزن فيك ويشده

انك تناظر طفل من غير ابوين
يمشي ودمعة سايل فوق خده

منظر صعيب ويقسم القلب قسمين
لا قام يمسح دمعة بكف يده

يمشي ولا يدري طريقة على وين
لين التعب من كثر ماتاه هده

اثقل حروف يشيلها فيه حرفين
لا أب يدري به ولا أم ترده

في خطوته رحلة ودمعة وسكين
وحظ توسد بالمراسي مخده

جيت اسألة بالله قلي ولد مين ؟؟
وبغى يجاوب .. واختنق صوت رده

أنا يتيم وما لدربي عناوين
وجزر الحزن فيني يساوي لمده

وطعم الطفولة ما عرفته لها لحين
وثوب السعادة صرت مانيب قده

ابكي إلى من شفت غيري سعيدين
لين البكا فيني يوصل لحده

واقفى ورحت امسح دموعي من العين
وعيني تناظر دمعته فوق خده

وهذا اللي يجرح القلب جرحين
ويمد حبل الحزن غصب ويشده

مما راق لي ولامس إحساسي

مشككككككككككككككككككككككككككككككككككككككو اخي روعة

» .تحذير اللي قلبه ضعيف لايكمل... هجوم سمك البيرانا على ديسكو في البحر في أمريكا الجنوبيه.